திரையிட்டு வந்தேன்…

குறையேதுமில்லை

திரையிட்டு வந்தேன்;

உன் இச்சைக்கொண்ட பார்வைக்கு

எச்சில் துப்பி எதிர்ப்பேன்!

மாற்றான் தோட்டத்து மல்லிகை மட்டும்

மணக்கவேண்டும் உனக்கு;

மானங்கெட்ட மானிடனே

மனைவியை பூட்டிவைக்கிறாய் எதற்கு!

மானம் காக்க மறைத்திருப்பது

சிறையென்று நீ நினைத்தால்;

ஒத்துக்கொள்கிறேன் ஒளிந்திருக்கிறேன்

உனக்காகத்தான்; தப்பிப்பதற்கு!

யாசர் அரஃபாத்   http://itzyasa.blogspot.com