கோடைகாலத்தை சமாளிப்பது எப்படி!

தாய் பாலுக்கு இணையான புரதச் சத்துக்களை கொண்ட இளநீர், சூட்டை தணிக்கும். உடலை சீராக வைத்துக் கொள்ளும். ஜீரண சக்தியை அதிகரிக்கும், சிறுநீரகத்தை சுத்திகரிக் கும். உடலில் ஏற்படும் நீர் – உப்பு பற்றாக்குறையை இளநீர் சரிசெய்கிறது. இளநீரின் உப்புத் தன்மை, வழுவழுப்பு, காலரா நோய்களுக்கு நல்ல சத்து. ரத்தத்தில் கலந்துள்ள நச்சுப் பொருட்களை அகற்ற இளநீர் பயன்படுகிறது. இளநீரில் தயாரிக் கப்படும் ‘ஜெல்’ என்ற பொருள் கண் நோய்களுக்கு சிறந்து மருந்து. இளநீரை வெறும் வயிற்றில் குடிக்கக்கூடாது.

வெயில் நேரத்தில் ‘ஃபிரிட்ஜில்’ வைத்த ‘கேஸ்’ குளிர் பானங்களை அருந்துவதை தவிர்ப்பது நல்லது. அதற்கு பதிலாக பழ வகைகளை அதிகம் சாப்பிடலாம். கோடையை முன்னிட்டு மூலைமுடுக்கெல்லாம் பழக்கடைகள் முளைக்க ஆரம்பித்துவிட்டன. தற்போதுள்ள விலைவாசியில் 15 ரூபாய்க்கு குறைந்து எந்த பழரசமும் கிடைப்பதில்லை. தர்பூசணி, வெள்ளரி, கிர்ணிப்பழம் ஆகியவற்றை மொத்தமாக வாங்கி, பழரசம் தயாரித்து பருகலாம்.

உடலில் உண்டாகும் வியர்வையை உறிஞ்சிடவும், வியர்க்குரு வருவதை தவிர்க்கவும் உன்னத வழி கதராடைகள் அணிவதுதான். 100 ரூபாயில் இருந்து 400 ரூபாய் வரையிலும் கதர் ரெடிமேட் சட்டைகள் விற்கப்படுகின்றன.* ஓட்டையாகிப்போன ஓசோன் படலத்தின் வழியாக அதிகமான ‘அல்ட்ரா வைலட்’ கதிர்கள் பாய்ந்து கண்நோய் உண்டாக்குவதும் இந்த மூன்று மாதங் களில்தான். எனவே, ‘ஆட்டோ நிப்லக் ஸன் கிளாஸ்’ அணிவதால் கண் நோயிலிருந்து காப்பாற்றிக் கொள்ளலாம்.

இளநீர் குடிப்பதால் உடல் சூடு, காமாலை நோய், தோல் நோய் ஆகியவை வராமல் தடுக்கலாம். மேலும், சிறுநீர் கழிக்கும்போது ஏற்படும் எரிச்சலையும் தவிர்க்கலாம்.* உடல் சூட்டை தவிர்க்கும் உன்னத பழம் என்று தர்பூசணியை கூறலாம். நுங்கு மற்றும் வெள்ளரி கோடை காலத்தில் மிகவும் உகந்தது.

குளிக்கும்போது, எலுமிச்சம் பழத்தை அரிந்து, அதனுடன் சிறிது உப்பை தடவி கழுத்து, அக்குள் ஆகிய பகுதிகளில் தேய்த்து வந்தால் வியர்வை நாற்றம் ஓடிவிடும்.* வெள்ளரி, கிர்ணிப்பழம் தொடர்ந்து சாப்பிட்டால் கோடையில் ஏற்படும் ‘அக்கி அம்மை’ நோய் அண்டாது.  வாழைப்பழம் உண்டால் சீதபேதி, மலச்சிக்கல் இருக்காது.ரோஜாப்பூ, குல்கந்து (தேனில் ஊற வைத்த ரோஜா இதழ்) சாப்பிட்டால் உஷ்ணம் குறைந்து உடல் குளிர்ச்சி ஏற்படும்.* குடிநீரில் ‘வெட்டிவேர்’ போட்டு வைத்தால் குடிநீர் மணமாக இருப்பதோடு, உடல் சூட்டையும் தணிக்கும்.

இன்றைய இளைய தலைமுறை மோர் குடிப்பதை கௌரவ குறைச்சல் என்று நினைக்க காரணம் அயல் நாட்டு நிறுவனங்கள் செய்த மூளை மழுங்கடிக்கும் விளையாட்டு சினிமா கலைஞர்களின் ஆடம்பர விளம்பரம் தவிர வேறு எதுவும் இல்லை .இவர்களுக்கு தேவை கோடிக்கணக்கான பணம் மட்டுமே இதனால் ஏற்படும் பாதகம் பற்றி இவர்களுக்கு என்ன கவலை நாம் ஒவ்வொரு முறை மோர் குடிக்கும் போதும் ஒரு விவசாயி நன்றியுடன் நம்மை பார்ப்பான்.

இளநீர் விற்கும் சாலையோர வியாபாரி இடம் நாம் கொடுக்கும் பணம் அவன் வீட்டில் அடுப்பெரிய உதவியாக இருக்கும் நான் அந்நிய பொருள்களை முழுவதும் ஆகா புறக்கணியுங்கள் என்று சொல்ல வில்லை ஆனால் அந்த பொருள்களை நாம் பயன் படுத்துவதால் நம் இந்திய மண்ணிற்கு வருங்கால இயற்கைக்கு நாம் எவ்வளவு பெரும் தீமை செய்கிறோம் என்று மட்டும் நினைத்து பாருங்கள்

வரும் கோடை காலம் முழுவது மோர் மற்றும் இளநீர் மட்டும் குடிப்போம்.