வட்டி… வட்டி… வட்டி…

ஏகஇறைவனின் திருப்பெயரால்….

திருக்குர்ஆன் எக்காலத்திற்கும் பொருந்தும் என்பதற்கு 1400 வருடங்களுக்கு முன்பு இறக்கி அருளிய திருக்குர்ஆன் முழங்கிய வட்டியின் தீமைகள் பற்றிய எச்சரிக்கைகள் இன்று நம் கண் முன் நிகழும் பேரழிவுகள் பெரிய எடுத்துக் காட்டாகும்.

இவர்கள் எந்தக் காற்றில் பறக்க விட்டார்கள் வட்டியைப் புசிப்பவன், அதனைப் புசிக்கச் செய்பவன், அதற்காக கணக்கு எழுதுபவன், குற்றத்தில் சமமானவர்கள் என்ற இஸ்லாமிய எச்சரிக்கையை ?

இதை நிர்பந்தம் என்று சொல்வார்கள்.

நிர்பந்தம் எது என்று அல்லாஹ்வுக்குத் தெரியும்.

அனுமதிக்கப்பட்ட எந்த ஒன்று எங்கு அறவே கிடைக்க வில்லையோ அங்கு மட்டுமே அனுமதிப்படாததை அனுபவிப்பதை அல்லாஹ் நிர்பந்தம் என்று விட்டு விடுகிறான்.

படித்திருக்கின்றோம் இன்னும் கொஞ்சம் பொறுமையாக இருந்தால் இறைவனால் அனுமதிக்கப்பட்ட வருமானத்தின் அடிப்படையில் இயங்கும் தொழில் நிருவனங்களில் நல்ல வேலையுடன் நல்ல சம்பளத்தில் அல்லாஹ் நமக்கு நாடுவான் என்ற நம்பிக்கை வரவேண்டும் காரணம் பொறுமையாளர்களுடன் அல்லாஹ் இருக்கிறான். நம்பிக்கை கொண்டோரே! பொறுமை மற்றும் தொழுகையின் மூலம் உதவி தேடுங்கள்! அல்லாஹ் பொறுமையாளர்களுடன் இருக்கிறான். திருக்குர்ஆன் 2:153

வட்டியை அடிப்படையாகக் கொண்டு இயங்கும் வங்கிகளில் பணிபுரிந்து அதன் சம்பளத்தில் தானும் உண்டு, தன்னை ஈன்றோர் சான்றோர் அனைவரையும் உண்ணச் செய்யும் சகோதரர்களே ! இன்னும் அதில் இணைவதற்காக ஆர்வம் காட்டும் சகோதரர்களே! அண்ணல் நபி(ஸல்) அவர்களால் வார்த்தெடுக்கப்பட்ட மக்களில் அப்துல்லாஹ் இப்னு சலாம் என்ற நபிழத்தோழர் வாழ்க்கையில் நடந்த ஒரு சம்பவத்தைப் படியுங்கள்.

நான் மதீனாவின் (மஸ்ஜிதுந்நபவி) பள்ளிவாசலில் (நபித்தோழர்கள் சிலருடன்) அமர்ந்திருந்தேன். அப்போது ஒருவர் தம் முகத்தில் சிரம் பணிந்(து சஜ்தா செய்)ததற்கான அடையாளத்துடன் உள்ளே வந்தார். மக்கள், ‘இவர் சொர்க்கவாசிகளில் ஒருவர்” என்று கூறினார்கள். அவர் இரண்டு ரக்அத்துகள் தொழுதார்; அவற்றை (அதிக நேரம் எடுக்காமல்) சுருக்கமாகத் தொழுதார். பிறகு அவர் வெளியேற, நான் அவரைப் பின்தொடர்ந்து சென்று, ‘நீங்கள் பள்ளி வாசலுக்குள் நுழைந்தபோது மக்கள், ‘இவர் சொர்க்கவாசி’ என்று கூறினர்” என்றேன்.

அதற்கு அவர் கூறினார்: அல்லாஹ்வீன் மீதாணையாக! தமக்குத் தெரியாததைக் கூறுவது எவருக்கும் முறையல்ல. ஏன் அவ்வாறு (மக்கள் பேசிக்கொள்கிறார்கள்) என்று உங்களுக்கு இதோ தெரிவிக்கிறேன். அதாவது, நான் நபி صلى الله عليه وسلم அவர்களின் காலத்தில் கனவொன்று கண்டேன். அதை அவர்களிடம் விவரித்தேன். நான் ஒரு பூங்காவில் இருப்பது போன்று கண்டேன் – அறிவிப்பாளர் கூறுகிறார்: அம்மனிதர் அதன் விசாலத்தையும் பசுமையையும் வர்ணித்தார் – அதன் நடுவே இரும்பாலான தூண் இருந்தது. அதன் அடிப்பகுதி பூமியில் இருந்தது.

மேற்காணும் அப்துல்லாஹ் இப்னு சலாம் என்ற நபித் தோழர் பெருமானார் (ஸல்) அவர்கள் உயிருடன் வாழும் பொழுது அவர்கள் கண்ட கணவுக்கு நீங்கள் இறக்கும் காலம்வரை தீனுடைய மார்க்கத்தில் நிலைத்து நிற்பீர்கள் இறைநம்பிக்கை குறையாதவராக வாழ்வீர்கள் என்று விளக்கமளித்தார்கள்.

நான் மதீனாவுக்கு வந்து அப்துல்லாஹ் இப்னு சலாம்(ரலி) அவர்களைச் சந்தித்தேன். அவர்கள் (என்னிடம்), ‘நீங்கள் (என்னுடன்) வர மாட்டீர்களா? உங்களுக்கு நான் மாவையும் பேழீச்சம் பழத்தையும் உண்ணத் தருவேன். நீங்கள் நபி(ஸல்) அவர்கள் வருகை தந்த என்) வீட்டிற்கு வந்ததாகவும் இருக்குமே” என்று கேட்டார்கள். பிறகு, ‘நீங்கள் வட்டி மலிந்துள்ள (இராக்) நாட்டில் வசிக்கிறீர்கள்.உங்களுக்கு ஒருவர் கடனைத் திருப்பிச் செலுத்த வேண்டியிருந்து. அவர் ஒரு வைக்கோல் போரையோ, வாற்கோதுமை மூட்டையையோ, கால்நடைத் தீவன மூட்டையையோ அன்பளிப்பாகக் கொடுத்தாலும் அதுவும் வட்டியாகும்” என்று கூறினார்கள். 3814. அபூ புர்தா ஆமிர்(ரஹ்) அறிவித்தார்

அதாவது அபூ புர்தா ஆமிர்; அவர்கள் வட்டிக்குக் கொடுத்து வாங்கவில்லை மாறாக வட்டிப் புழக்கத்தில் இருக்கும் நாட்டில் குடி இருந்தார்கள் அங்கு அவர்கள் தொடர்ந்து குடி இருப்பதை நேரடியாக தடுக்காமல் மறைமுகமாக மாரக்க உபதேசத்தின் மூலமாக தடுக்கின்றார்கள்.

ஏன் என்றால் ?

இன்று நாம் வாழும் காலத்தில் நம் கண் முண்ணேப் பார்க்கின்றோம் வங்கிகளுக்கு சவால் விடும் அளவுக்கு வட்டிப் பல பெயர்களில் வங்கிகளுக்கு வெளியில் பவனி வருகின்றது.

இன்ஷூரன்ஸ் அறிமுகப்படுத்தும் போனஸ் என்றப் பெயரில் வட்டி.

கன ரக வாகனங்கள் முதல் மித ரக வாகனங்கள் வரை, பாத்திரம் பண்டங்கள் வரை தவனை முறையில் பணம் செலுத்தும் இன்ஸால்மென்ட் என்றப் பெயரில் வட்டி.

ஏலச் சீட்டு என்றப் பெயரில் கர்ண கொடூரமான வட்டி.

சாதாரண மளிகைக் கடையில் தினந்தோறும் காசு கொடுத்து வாங்குபவருக்கு ஒரு ரேட் மாதம் முடிந்து காசுக் கொடுப்பவருக்கு ஒரு ரேட் என்று பகிரங்க வட்டி.

நல்ல வேலை, நல்ல சம்பளம் இதை விட்டால் இதைப்போன்று வேரொன்று அமைவதுக் கஷ்டம் என்ற முடிவுக்கு வந்து இஸ்லாமிய ஏவல் – விலக்கல் சட்டங்களை காற்றில் பறக்க விட்டுப் பொருளீட்ட முடிவு செய்து விடுகின்றனர். அவர்களில் அதிகமானோர் பாவத்திற்கும், வரம்பு மீறலுக்கும், தடுக்கப்பட்டதை உண்பதற்கும் விரைந்து செல்வதை நீர் காண்பீர்! அவர்கள் செய்வது மிகவும் கெட்டது. திருக்குர்ஆன் 5:62

இஸ்லாம் என்பது இவர்களுடைய வீட்டின் கத்னா, காது குத்து, கல்யாணம் போன்ற வைபவங்களுக்கும், திருக்குர்ஆன் அவர்களுடைய வீட்டு அலமாரியை அலங்கரிக்கவுமேப் பயன்படுகிறது.

இவ்வாறு முறையற்று ஈட்டுகின்ற வருமானத்தில் இவர்கள் மட்டும் உண்டு பாவத்தாளியாவதில்லை, மாறாக இவர்களின் கீழ் உள்ள பொறுப்பாளிகளாகிய மனைவி, பிள்ளைகளுக்கு உண்ணச் செய்கின்றனர் உன்னதமான கல்வியைப் புகட்டுகின்றனர், இன்னும் இவர்களை ஹலாலான முறையில் பொருளீட்டிப் படிக்கவைத்த தாய் தந்தையருக்கும் அவர்களுடைய வயதான காலத்தில் வட்டித் தொழில் சம்பளத்திலிருந்தே உண்ணக்கொடுக்கின்றனர்.

வட்டியை இறைவன் தடைசெய்து தர்மத்தை இறை நம்பிக்கையாளர்களிடம் வளர்த்ததாக கூறுகின்றான் இதை மறுப்போர், அல்லது இதற்கு துணை நிற்போர், அதில் ஊழியம் செய்து கூலிப் பெறுவோர் அனைவரும் இறைவனுக்கு நன்றிக் கெட்டவர்கள், நன்றிக் கெட்டவர்களை இறைவன் நேசிப்பதில்லை அல்லாஹ் வட்டியை அழிக்கிறான். தர்மங்களை வளர்க்கிறான். நன்றி கெட்ட எந்தப் பாவியையும் அல்லாஹ் விரும்ப மாட்டான். திருக்குர்ஆன் 2:276