பகைமறந்து நம் சமூகம் ஓரணியில் இணைவதற்கும்

பரிவுடனே சகோதரரின் இடர் களையும் மனம்கொடுத்து

வகையறிந்து சதிகளையே முறியடித்து இஸ்லாத்தை

வையந்தனில் நிலைநாட்டும் உறுதிகொடு ரமளானே!

திருமறையின் தித்திப்பை நாள்தோறும் வழங்கிடவே

திக்ருடைய மகத்துவத்தை உள்ளங்களில் பதித்திடவே

இருமையிலும் ஈடேற்றம் பெறுவதற்கு மாந்தர்கட்கு

இம்மையிலே வரமளிக்க வருக நீ ரமளானே!